ກົມໂຄສະນາ ຄະນະໂຄສະນາອົບຮົມສູນກາງພັກລົງເຄື່ອນໄຫວເກັບກຳຂໍ້ມູນ ແລະ ຕິດຕາມວຽກງານຢູ່ແຂວງສະຫວັນນະເຂດ

ຂະແໜງການພາຍໃນຄະນະໂຄສະນາອົບຮົມ ເຂົ້າຮ່ວມພົບປະ ແລະ ແລກປ່ຽນຄຳຄິດ – ຄຳເຫັນກ່ຽວກັບການຈັດຕັ້ງປະຕິບັດວຽກງານໂຄສະນາອົບຮົມພາຍໃນແຂວງ, ຜົນສຳເລັດທີ່ຍາດມາໄດ້, ຊໍ້ສະດວກ – ຂໍ້ຫຍຸ້ງ ຍາກ ແລະ ທິດທາງການດຳເນີນວຽກງານໃນໄລຍະຕໍ່ໜ້າ.

ການລົງເຄື່ອນໄຫວໃນຄັ້ງນີ້ ມີຈຸດປະສົງເພື່ອຕິດຕາມ, ເກັບກຳຂໍ້ມູນຕົວຈິງ ແລະ ຮັບຟັງຄຳສະເໜີຈາກຮາກຖານ ເພື່ອນຳໄປປັບປຸງ ແລະ ຍົກສູງຄຸນນະພາບວຽກງານໂຄສະນາອົບຮົມໃຫ້ມີປະສິດທິຜົນຍິ່ງຂຶ້ນ.

ພາຍຫຼັງຈາກສຳເລັດການພົບປະ ແລະ ແລກປ່ຽນວຽກງານກັບຄະນະໂຄສະນາອົບຮົມແຂວງແລ້ວ, ຄະນະນຳໂດຍ ທ່ານ ນາງ ບຸນມາລີ ສິລິດາວົງ ຈະສືບຕໍ່ເດີນທາງລົງເຮັດວຽກ ແລະ ເກັບກຳຂໍ້ມູນຢູ່ເມືອງສອງຄອນ ແລະ ເມືອງໄຊພູທອງ ເພື່ອຕິດຕາມສະພາບການຈັດຕັ້ງວຽກງານໂຄສະນາອົບຮົມຢູ່ຮາກຖານຕື່ມອີກ.