ໂຄສະນາອົບຮົມແຂວງປາຖະກະຖາ 2 ວັນປະຫວັດສາດຂອງຊາດ
ໃນຕອນເຊົ້າວັນທີ 15 ພະຈິກນີ້ຢູ່ທີ່ສະໂມສອນຫ້ອງວ່າການປົກຄອງແຂວງ ສະຫວັນນະເຂດຄະນະໂຄສະນາອົບຮົມແຂວງໄດ້ຈັດພິທີປາຖະກະຖາວັນມະຫາປະຕິວັດເດືອນຕຸລາລັດເຊຍ 7 ພະຈິກ 1917 ແລະ ວັນເກີດ ທ່ານ ຟຣິດຣິກ ອັງແກນ 28 ພະຈິກ 1820 ຂື້ນ ໂດຍການກ່າວປາຖະກະຖາຂອງທ່ານ ຄຳຫລ້າ ພະທິທັກ ຄະນະພັກຮາກຖານ ຮອງຫົວໜ້າຄະນະໂຄສະນາອົບຮົມແຂວງ ສະຫວັນນະເຂດ , ມີບັນດາທ່ານຄະນະຮາກຖານພະແນກການ , ກົມກອງ ກຳລັງ ປກຊ – ປກສ , ພະນັກງານ – ລັດຖະກອນ ອ້ມຂ້າງແຂວງເຂົ້າຮ່ວມຮັບຟັງ.
ທ່ານ ຄຳຫລ້າ ພະທິທັກ ຮອງຫົວໜ້າຄະນະໂຄສະນາອົບຮົມແຂວງ ສະຫວັນນະເຂດ ໄດ້ໃຫ້ຮູ້ເຖິງການກຳເນີດ ການປະຕິວັດເດືອນຕຸລາ ລັດເຊຍ ກ່ອນໜ້ານີ້ຫລາຍສິບປີຄື ວັນທີ 7 ພະຈິກ 1917 ພາຍໃຕ້ການນຳພາຂອງພັກໂບນເຊວິກ ທີ່ມີທ່ານເລນິນ ເປັນຜູ້ນຳໜ້ານັ້ນ ຊົນຊັ້ນກຳມະກອນ ແລະ ຊາວຜູ້ອອກແຮງງານລັດເຊຍ ໄດ້ລຸກຮື້ຂື້ນຢຶດອຳນາດ ແລະ ສ້າງຕັ້ງລັດ ລັດເຊຍ – ໂຊວຽດ ເຊິ່ງເປັນລັດຂອງຊົນຊັ້ນກຳມະກອນ ແລະ ຊາວຜູ້ອອກແຮງງານ ລັດທຳອິດຂອງມວນມະນຸດ , ການປະຕິວັດເດືອນຕຸລາລັດເຊຍ ປີ 1917 ເກີດຂື້ນ ບໍ່ແມ່ນເຫດການເກີດຂື້ນແບບບັງເອີນ – ແຕ່ແມ່ນກົດເກນທີ່ຕ້ອງເປັນໄປຂອງສັງຄົມມະນຸດ ຍ້ອນວ່າລັດເຊຍໃນຊຸມປີຕົ້ນຂອງສະຕະວັດທີ 20 ເປັນປະເທດທືນນິຍົມ ທີ່ຂະຫຍາຍຕົວຊ້າ , ຫລ້າຫລັງ , ແຕ່ຊົນຊັ້ນນາຍທືນ ແລະ ເຈົ້າຊາ ຊ້ຳພັດກົດຂີ່ຂູດຮີດກຳມະກອນ ແລະ ປະຊາຊົນຜູ້ອອກແຮງງານຢ່າງໜັກໜ່ວງ, ສະເພາະຊີວິດການເປັນຢູ່ຂອງປະຊາຊົນທຸກຍາກລຳບາກ, ບວກກັບສະພາບສົງຄາມໂລກ ຄັ້ງທີ 1 ປີ 1914 – 1917 ຍິ່ງເຮັດໃຫ້ລັດເຊຍ ຕົກເຂ້າສູ່ສະພາບວິກິດການຢ່າງຮ້າຍແຮງ ໃນດ້ານອື່ນທ່ານ ເລນິນ ແລະ ພັກໂບນເຊີວິກ ກໍ່ໄດ້ສຶດສາອົບຮົມປຸກລະດົມ ຊົ້ນຊັ້ນກຳມະກອນ , ປະຊາຊົນຊາວຜູ້ອອກແຮງງານ ແລະ ກອງທະຫານລຸກຮື້ຂື້ນເຮັດການປະຕິວັດ.
ສຳລັບຊີວິດ ແລະ ການເຄື່ອນໄຫວ ບາດກ້າວທຳອິດທີ່ ຟຣິດຣິກ ອັງແກນ ເລີ່ມຄົ້ນຄວ້າ ແລະ ເຂົ້າຮ່ວມການປະຕິວັດແມ່ນປີ 1839 ເພີ່ນໄດ້ຂຽນບົດລົງໜ້າໜັງສືພິມທີ່ພາດຫົວເລື່ອງວ່າ : ຈົດໝາຍຂາກວຸບເປີຕານ ຊື່ງເນື້ອໃນເວົ້າເຖິງຄວາມທຸກຍາກຂາດເຂີນຂອງກຳມະກອນ ທີ່ແຕກຕ່າງຈາກຊີວິດການເປັນຢູ່ທີ່ອຸດົມສົມບູນຂອງເຈົ້າຂອງໂຮງງານ ແລະ ພໍ່ຄ້າຊາວຂາຍ ເພີ່ນໄດ້ເລີ່ມສຶກສາຄົ້ນຄ້ວາວັນນະກຳ ແລະ ຮັບເອົາທັດສະນະປັດຊະຍາຂອງເຮແກນ , ໃນການປາຖະກະຖາຄັ້ງນີ້ກໍ່ເພື່ອເຮັດໃຫ້ການນຳພັກ – ລັດ ກໍ່ຄືພະນັກງານລັດຖະກອນໄດ້ຮຽນຮູ້່ເຊື່ອມຊືມ ການກຳເນີດເກີດຂື້ນຂອງວັນສຳຄັນຕ່າງໆຂອງຊາດ – ຂອງພັກ ເພື່ອຜັນຂະຫຍາຍເຂົ້າສູ້ການປະຕິບັດວຽກງານຕົວຈິງໃນຕໍ່ໜ້າ.
