ແຂວງ ສະຫວັນນະເຂດຈັດຕັ້ງກອງບຸນສະເຫລີມສະຫລອງ
ວັນຄ້າຍວັນເກີດປະທານໄກສອນ ພົມວິຫານຄົບຮອບ 105 ປີ
ເພື່ອເປັນການສະເຫລີມສະຫລອງວັນຄ້າຍວັນເກີດ ປະທານໄກສອນ ພົມວິຫານ ຜູ້ນຳທີ່ແສນເຄົາລົບຮັກຂອງປວງຊົນລາວທັງຊາດ ຄົບຮອບ 105 ປີ ແຂວງ ສະຫວັນນະເຂດ ໄດ້ຈັດຕັ້ງກອງບຸນຂື້ນ ໃນວັນທີ 13 ທັນວາ 2025 ທີ່ອານຸສອນສະຖານ ປະທານ ໄກສອນ ພົມວິຫານ ໂດຍການເປັນກຽດເຂົ້າຮ່ວມຂອງທ່ານ ສິນລະວົງ ຄຸດໄພທູນ ກົມການເມືອງ ສູນກາງພັກ ປະທານສູນກາງແນວລາວສ້າງຊາດ , ທ່ານ ບຸນໂຈມ ອຸບົນປະເສີດ ເລຂາພັກແຂວງ ເຈົ້າແຂວງ ສະຫວັນນະເຂດ , ມີບັນດາທ່ານການນຳຂັ້ນສູນກາງ , ການນຳຈາກແຂວງອ້ອມຂ້າງ , ຄະນະພັກ , ກຳມະການປົກຄອງແຂວງ 14 ເມືອງ 1 ນະຄອນ ພິເສດຍັງມີ ທ່ານ ບຸນຍັງ ວໍລະຈິດ ອາດີດເລຂາທິການໃຫ່ຍສູນກາງພັກ ອາດີດປະທານປະເທດແຫ່ງ ສ ປປ ລາວ ພ້ອມດ້ວຍມວນຊົນຊາວແຂວງສະຫວັນນະເຂດ ເຂົ້າຮ່ວມເປັນຈຳນວນຫລວງຫລາຍ.
ໃນພິທີຍັງໄດ້ມີການຄາລະວາດໄຕທູບທຽນບູຊາພຣະຣັດຕະນະໄຕຣ , ຮູບເຫມືອນທ່ານ ໄກສອນ ພົມວິຫານ , ໄຫວ້ພຣະຮັບສິນ , ໄຕທຽນມຸງຄຸນ , ຟັງເທດສະໜາ , ຖວາຍທານ ແລະ ຮັບພອນຍາດນ້ຳ ພ້ອມນີ້ຍັງໄດ້ມີການຮັບບໍລິຈາກວັດຖຸທານຈະຕຸປັດໄຈ ສັດທາຍາດໂຍມ ,ມີການຄົບງັນຕະຫລອດຄືນ , ໃນຕອນເຊົ້າວັນທີ 14 ທັນວາ ຍັງໄດ້ມີການຖວາຍກອງບຸນເຄື່ອງທານຕ່າງໆ ໃສ່ບາດພໜະສົງຈຳນວນ 105 ອົງ
