ວັນທີ 4-7 ພະຈິກ 2024 ຄະນະໂຄສະນາອົບຮົມສູນກາງພັກ, ກົມຂໍ້ມູນຂ່າວສານ ແລະ ຝຶກ ອົບຮົມ ໄດ້ຈັດພິທີເປີດຊຸດຝຶກອົບຮົມວິທີການຂຽນຂ່າວ, ບົດຄວາມເຜີຍແຜ່ໃນສື່ເອເລັກໂຕຣນິກ ໃຫ້ ແກ່ພະນັກງານຄະນະໂຄສະນາອົບຮົມແຂວງ ທົ່ວປະເທດ ຜ່ານກອງປະຊຸມທາງໄກ Video conference, ໃຫ້ກຽດເປັນປະທານ ຂອງ ທ່ານ ນ. ວິລະວອນ ພັນທະວົງ ຄະນະປະຈຳພັກ ຮອງຫົວໜ້າຄະນະໂຄສະນາອົບຮົມສູນກາງພັກ, ຜູ້ຊີ້ນໍາວຽກງານກົມຂໍ້ມູນຂ່າວສານ ແລະ ຝຶກອົບຮົມ, ເຂົ້າ ຮ່ວມມີ: ທ່ານ ວັນຕຸລາ ຣັກນຸດ ກຳມະການຄະນະພັກ ຫົວໜ້າກົມຂໍ້ມູນຂ່າວສານ ແລະ ຝຶກອົບຮົມ, ທ່ານ ພູວັນ ສຸວັນ ຮອງຫົວໜ້າກົມຂໍ້ມູນຂ່າວສານ ແລະ ຝຶກອົບຮົມ, ຄະນະຮັບຜິດຊອບຊຸດຝຶກ ອົບ ຮົມ ແລະ ມີນັກສຳມະນາກອນ, ພະນັກງານຄະນະໂຄສະນາອົບແຂວງ ທົ່ວປະເທດ ເຂົ້າຮ່ວມທັງໝົດ 134 ທ່ານ, ຍິງ 55 ທ່ານ.
ໃນພິທີ ປະທານ ໄດ້ມີຄໍາເຫັນເນັ້ນໜັກ: ຕໍ່ບັ້ນຝຶກອົບຮົມໃນຄັ້ງນີ້ ເພື່ອແນໃສ່ ຍົກສູງຄວາມຮູ້, ຄວາມສາມາດ, ເພີ່ມທັກສະການຂຽນຂ່າວ, ຂຽນບົດຄວາມ, ຫຼັກການສໍາພາດຂ່າວ, ການນໍາສະເໜີຂ່າວ ທາງສື່ອອນລາຍ, ການເຜີຍແຜ່ຂໍ້ມູນຂ່າວສານຜ່ານສື່ແບບໃໝ່, ໃຫ້ພະນັກງານ ຄະນະໂຄສະນາອົບຮົມແຂວງ ທົ່ວປະເທດ ເພື່ອຕອບສະໜອງໄດ້ກັບຄວາມຮຽກຮ້ອງຕ້ອງການຂອງໜ້າທີ່ວຽກງານໃນໄລຍະໃໝ່. ໃນການຝຶກອົບຮົມຄັ້ງນີ້ ນັກສຳມະນາກອນຈະໄດ້ຮັບຟັງການ ບັນຍາຍເອກະສານຈາກວິທະ ຍາກອນ ທີ່ມີບົດຮຽນ ແລະ ປະສົບການຈາກ ຄອສພ ແລະ ຍັງໄດ້ໃຫ້ ບັນດານັກສຳມະນາກອນທີ່ເຂົ້າຮ່ວມ ລົງມືຂຽນບົດຕອບໂຕ້ທາງສັງຄົມອອນລາຍ ຂອງແຂວງຕົນ ເພື່ອໃຫ້ມີຄວາມຖືກຕ້ອງໃນການຂຽນຂ່າວຕົວຈິງຕື່ມອີກ.
ຜ່ານການຝຶກອົບຮົມເຫັນວ່ານັກສຳມະນາກອນທີ່ເຂົ້າຮ່ວມຝຶກອົບຮົມມີຄວາມຕັ້ງໃຈ, ເອົາໃຈ ໃສ່ໃນການຕິດຕາມການບັນຍາຍຂອງອາຈານ, ມີການຄົ້ນຄ້ວາ, ສອບຖາມແລກປ່ຽນປະກອບຄໍາຄິດ, ຄໍາເຫັນໃນແຕ່ລະຫົວຂໍ້ດ້ວຍບັນຍາກາດທີ່ເປັນກັນເອງ, ການຝຶກອົບຮົມຄັ້ງນີ້ ແມ່ນໄດ້ດໍາເນີນເປັນ ເວລາ 4 ວັນເຕັມ, ໂດຍນໍາໃຊ້ເອກະສານຝຶກອົບຮົມ ຈາກກົມຂໍ້ມູນຂ່າວສານ ແລະ ຝຶກອົບຮົມ ຂອງ ຄະນະໂຄສະນາອົບຮົມສູນກາງພັກ ທັງໝົດ 3 ບົດ.
