ກຳມະບານຮາກຖານຄະນະໂຄສະນາອົບຮົມແຂວງສະຫວັນນະເຂດ, ໄດ້ເປີດກອງປະຊຸມສະຫຼຸບກ່ຽວກັບວຽກງານກຳມະບານໃນໄລຍະ 6 ເດືອນ ຕົ້ນປີ ແລະ ວາງທິດທາງ 6 ເດືອນທ້າຍປີ 2024.
ໃນວັນທີ 4 ກໍລະກົດ ທີ່ຜ່ານມາ, ກຳມະບານຮາກຖານຄະນະໂຄສະນາອົບຮົມແຂວງ ໄດ້ເປີດກອງປະຊຸມສະຫຼຸບກ່ຽວກັບວຽກງານກຳມະບານໃນໄລຍະ 6 ເດືອນຕົ້ນປີຜ່ານມາ, ຢູ່ທີຫ້ອງປະຊຸມຂອງຄະນະໂຄສະນາອົບຮົມແຂວງ. ໂດຍການເປັນປະທານຮ່ວມຂອງ ທ່ານ ຄຳຫຼ້າ ພະພິທັກ ເລຂາໜ່ວຍພັກ ຮອງຫົວໜ້າຄະນະໂຄສະນາອົບຮົມແຂວງ, ມີທ່ານ ຄຳພວຍ ວິໄລເດດວົງສາ ປະທານກຳມະບານຮາກຖານຄະນະໂຄສະນາອົບຮົມແຂວງ ຮອງຄະນະໂຄສະນາອົບຮົມແຂວງ, ມີບັນດາຫົວໜ້າຂະແໜງ, ຮອງຂະແໜງ, ສະມາຊີກກຳມະບານພາຍໃນຫ້ອງການໂຄສະນາອົບຮົມແຂວງເຂົ້າຮ່ວມທັງໝົດຢ່າງພ້ອມພຽງ.
ໃນກອງປະຊຸມຄະນະຮັບຜິດຊອບໄດ້ ຜ່ານບົດສະຫຼຸບວຽກງານກຳມະບານໃນໄລຍະ 6 ເດືອນຕົ້ນປີຜ່ານມາ,ຜ່ານເນື້ອໃນຂໍ້ແຂ່ງຂັງ 5 ເປັນເຈົ້າ ປະຈຳປີ 2024 ແລະ ຜ່ານວຽກງານກອງທຶນກຳມະບານກ່ຽວກັບລາຍຮັບ-ລາຍຈ່າຍ. ຫຼັງຈາກນັ້ນ, ທ່ານ ຄຳພວຍ ວິໄລເດດວົງສາ ຮອງຄະນະໂຄສະນາອົບຮົມແຂວງ ປະທານກຳມະບານຮາກຖານຄະນະໂຄສະນາອົບຮົມແຂວງ ໄດ້ຜ່ານກົດລະບຽບກອງທຶນຂອງກຳມະບານແຂວງ ແລະ ໄດ້ນໍາພາສຳຫຼວດ-ກວດກາ ແລະ ປະກອບຄຳເຫັນແລກປ່ຽນເຊີ່ງກັນ ແລະ ກັນ.
ໃນຕອນທ້າຍທ່ານ ຄຳຫຼ້າ ພະພິທັກ ເລຂາໜ່ວຍພັກ ຮອງຫົວໜ້າຄະນະໂຄສະນາອົບຮົມແຂວງ ກໍ່ໄດ້ແລກປ່ຽນ ໃຫ້ຄໍາຄິດເຫັນຢ່າງກົງໄປກົງມາ, ພ້ອນທັງຮຽກຮ້ອງໃຫ້ພະນັກງານ, ສະມາຊິກກຳມະບານແຕ່ລະສະຫາຍເພີ່ມທະວີເອົາໃຈໃສ່ເຮັດວຽກງານສຶກສາອົບຮົມການເມືອງ-ແນວຄິດໃຫ້ເລິກເຊິ່ງໂດຍຕິດພັນກັບການເຮັດວຽກງານວິຊາສະເພາະຂອງແຕ່ລະສະຫາຍໃຫ້ມີປະສິດທິ ພາບສູງ, ສ້າງຄວາມສາມັກຄີຮັກແພງເປັນປຶກແຜ່ນ, ຊ່ວຍເຫຼືອເຊິ່ງກັນ ແລະ ກັນ ແລະ ນຳເອົາບັນດາເນື້ອໃນຈິດໃຈຂໍ້ແຂ່ງຂັນ 5 ເປັນເຈົ້າທີ່ສູນກາງສະຫະພັນກໍາມະບານລາວວາງອອກໄປຈັດຕັ້ງປະຕິບັດໃຫ້ມີຜົນສໍາເລັດເປັນກ້າວໆ
