ຄະນະໂຄສະນາອົບຮົມແຂວງ ສະຫວັນນະເຂດ ຈັດຕັ້ງພິທີ ປາຖະກະຖາ ວັນລັດຖະທຳມະນູນແຫ່ງ ສປປ ລາວຄົບຮອບ 28 ປີ (15/8/1991-15/8/2019), ວັນຢຶດອຳນາດທົ່ວປະເທດ ສປປ ລາວ ຄົບຮອບ 44 ປີ (23/8/1975-23/8/2019), ແລະ 3 ວັນສຳຄັນຂອງຊາດ ແລະ ສາກົນ.

ສ້າງຂື້ນເມື່ອ ວັນຈັນ, 26 ສິງຫາ 2019 07:29

ໃນວັນທີ 23 ສິງຫາ 2019 ຜ່ານມາ, ຄະນະໂຄສະນາອົບຮົມແຂວງ ສະຫວັນນະເຂດ ໄດ້ຈັດຕັ້ງປາຖະກະຖາ ເນື່ອງໃນໂອກາດ ວັນລັດຖະທຳມະນູນແຫ່ງ ສປປ ລາວຄົບຮອບ 28 ປີ ໂດຍການໃຫ້ກຽດຂື້ນປາຖະກະຖາຂອງ ທ່ານ ຄຳຜັນ ຄູນສະຫວັນ ກຳມະການພັກແຂວງ ຮອງປະທານສະພາປະຊາຊົນແຂວງສະຫັວນນະເຂດ; ວັນຢຶດອຳນາດທົ່ວປະເທດ ສປປ ລາວ ຄົບຮອບ 44 ປີ, ວັນສ້າງຕັ້ງອາຊຽນ ຄົບຮອບ 52 ປີ, ວັນເກິດທ່ານ ຟີແດນ ກາສໂຕຣ ຣຸດສ ຄົບຮອບ 93 ປີ ໃຫ້ກຽດຂື້ນປາຖະກະຖາຂອງ ທ່ານ ແກ້ວອຸດອນ ແກ້ວດວງດີ ຮອງຫົວໜ້າຄະນະໂຄສະນາອົບຮົບແຂວງສະຫວັນນະເຂດ; ວັນສ້າງຕັ້ງສານປະຊາຊົນ ຄົບຮອບ 37 ປີ ໃຫ້ກຽດຂື້ນປາຖະກະຖາຂອງ ທ່ານ ກຽງສັກ ບຸນທະວົງ ຮອງປະທານສານປະຊາຊົນແຂວງ.  ຊຶ່ງຈັດ​ຂື້ນ​ທີ ສະ​ໂມ​ສອນ​ໂຮງຮຽນ​ການ​ເມືອງ-​ການ​ປົກຄອງ​ແຂວງ.

ໃຫ້​ກຽດ​ເຂົ້າ​ຮ່ວມ​ຮັບ​ຟັງ​ປາຖະກະຖາ​​ໃນ​ຄັ້ງ​ນີ້ມີບັນດາ​ສະຫາຍເລຂາ, ​ຮອງ​ເລຂາ​, ຄະນະພັກຮາກ​ຖານ, ​ໜ່ວຍ​ພັກ​ເອກະລາດ, ຫົວໜ້າ​, ຮອງ​ຫົວໜ້າ​ພະ​ແນ​ກການ​, ກົມ​ກອງ​, ອົງການ​ແນວ​ລາວ​ສ້າງ​ຊາດ, ອົງການ​ຈັດ​ຕັ້ງ​ມະ​ຊົນ, ​ຄະນະ​ພັກ, ຄະນະ​ບັນຊາ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບ, ສະ​ຖາ​ບັນ​ການ​ສຶກສາ, ມະຫາວິທະຍາ​ໄສ-​ວິທະຍາ​ໄລ​ທັງ​ພາກ​ລັດ ​ແລະ ​ເອກະ​ຊົນ, ລັດ​ວິສາ​ຫະກິດ​ພ້ອມ​ດ້ວຍ​ພະນັກ​ນັກ​ງານ​ສາມະ​ຊິ​ພັກ​ອ້ອມ​ຂ້າງ​ແຂວງເຂົ້າຮ່ວມຢ່າງພ້ອມພຽງ. ຊື່ງມີຜູ້ເຂົ້າ​ຮ່ວມ​ທັງ​ໝົດ 275 ທ່ານ, ຍິງ 143 ທ່ານ.